ชมรมนักวิทยุสมัครเล่นแก่นทอง จังหวัดขอนแก่น ความถี่ 144.750 MHz

อีสานบ้านเฮาและคลังแห่งการเรียนรู้วิถีชาวบ้าน => ภาษาพื้นบ้านอีสาน กลอน สุภาษิตและผญา => ข้อความที่เริ่มโดย: HS3TXB ที่ 24 มีนาคม 2012, 08:38:55

หัวข้อ: ผญาอีสานบ้านเฮา
เริ่มหัวข้อโดย: HS3TXB ที่ 24 มีนาคม 2012, 08:38:55

พี่น้องเอ้ย
เพิ่นว่าเมืองอีสานนี่ดินดำน้ำซุ่ม
ปลากุ่มบ้อนคือแข้แกว่งหาง
ปลานางบ้อนคือขางฟ้าลั่น
จั๊กจั่นฮ้องคือฆ้องลั่นยาม
คนมีศีล ดินมีน้ำ บ่ห่อนขาดเขินบก
ฝูงหมู่สกุณานก บินซวนซมปลายไม้
ไทเมืองไกล เมืองใกล้ ไปมาได้จอดแว
มรดกดนตรีเก่าแก่ ให้พากันสืบไว้อย่าไลถิ่มให้ปล่าวแปน ซั่นแหลว...พี่น้องเอย

พี่น้องเอ้ย
เผิ่นว่าเซื้อชาติแฮ้งอย่าเหม็นสาบกุยกัน
เกิดเป็นคนอีสานให้อักแพงกันไว้
ไผเฮ็ดดีให้ซอยยู้ซอยซู อย่าย่านลืน
ไผเฮ็ดผิดให้ซอยเว้าไขแก้ดอกซอยกัน.ซั่นแหลว...พี่น้องเอย

พี่น้องเอ้ย
คันเจ้าได้ขี่ซ้างอย่าลืมหมุ่หมูหมา
ห่าขโมยมาลักสิเห่าหอนให้มันย่าน
ลางเทื่อกวางฟานเต้น นำดงสิได้ไล่
ลางเทื่อได้ต่อนซี้นยังสิได้อ่าวคุณได๋ ซั่นแหลว...พี่น้องเอย

หัวข้อ: Re: ผญาอีสานบ้านเฮา
เริ่มหัวข้อโดย: HS3TXB ที่ 24 มีนาคม 2012, 08:48:56

พี่น้องเอ๊ย   
เฮามาซ่อยกันส่าง   
เมืองอีสานให้เขียวซุ่ม 
ฝนสิตก ข้าวสิตุ้ม 
ปลาสิเต้นยาดโต่งไซ  ซั่นแหลว...พี่น้องเอย

พี่น้องเอ้ย
คันแม่นได้ขี่ช้าง   
กั้งฮ่มเป็นพญา 
อย่าสิลืมชาวนา
ผู้ขี่ควายคอนกล้า 
คันได้เป็นนายหน้า
อย่าทำโตให้มาดใหญ่ 
คันได้กินแกงไก่ต้ม   
อย่าลืมขั่วในหมากขาม ซั่นแหลว...พี่น้องเอย

พี่น้องเอ้ย..
ให้เจ้าอดสาแง่นกินข่าตางขิง เด้อ
โอ้ด..สาแง่น  กินลิงตางกะต่าย
อดสาฟังซุมผู้ฮ่ายจ่ายผญา
บาดซามพ้อผู้เพิ่นดี  ซั่นแหลว...พี่น้องเอย

พี่น้องเอ๊ย..
เพิ่นยังว่าอย่าสิไลลืมถิ่น 
พงษ์พันธุ์พี่น้องเก่า   
อย่าไปลักโคตรเซื้อ
ย่องว่าผู้อื่นดี  ซั่นแหลว...พี่น้องเอย

หัวข้อ: Re: ผญาอีสานบ้านเฮา
เริ่มหัวข้อโดย: HS3TXB ที่ 24 มีนาคม 2012, 09:40:11

พี่น้องเอ้ย
เพิ่นว่าเมืองอีสานนี่ดินดำน้ำซุ่ม
ปลากุ่มบ้อนคือแข้แกว่งหาง
ปลานางบ้อนคือขางฟ้าลั่น
จั๊กจั่นฮ้องคือฆ้องลั่นยาม
คนมีศีล ดินมีน้ำ บ่ห่อนขาดเขินบก
ฝูงหมู่สกุณานก บินซวนซมปลายไม้
ไทเมืองไกล เมืองใกล้ ไปมาได้จอดแว้
น้ำใจหลายดีแท้น้อ หมู่เฮาซาวอีสาน ซั่นแหลว พี่น้องเอย

พี่น้องเอ้ย
ผมบ่มีหวีป้องสิเป็นฮังนกจอก
มีปากคันบ่มีแข้วพร้อมคางสิว้ำใส่ดัง
แนววังคันบ่มีขอนขวงซาวแหเขาสิหว่าน
มีเฮือนคันบ่มีพ่อเย้าโจรสิเข้าลักของ
มีกลองคันบ่มีหนังหุ้มสิเป็นฮางผักบั่ว
มีหัวคันว่าผมบ่พร้อมเขาสิเอิ้นเดิ่นเหา
มีเกวียนคันบ่มีงัวพร้อมสิเอาหยังมาแก่
เกวียนคันบ่มีไม้ค้ำหัวสิง้ำใส่ดิน ซั่นแหลว พี่น้องเอย

พี่น้องเอ้ย
เลี้ยงซ้างเฒ่าขายงาได้กินค่า
เลี้ยงซ้างน้อยตายถิ่มค่าบ่มี
คั่นซิมักผู้บ่าวน้อยซิอดมื้อกินหยัง
มักให้มักผู้บ่าวเฒ่าคือสิได้กินมี ซั่นแหลว พี่น้องเอย


พี่น้องเอ้ย
ใจประสงค์สร้างกลางดงกะหว่าถ่ง
ใจขี้คร้านกลางบ้านกะหว่าดง ซั่นแหลว พี่น้องเอย

หัวข้อ: Re: ผญาอีสานบ้านเฮา
เริ่มหัวข้อโดย: HS4MM ที่ 24 มีนาคม 2012, 20:39:25

งึดหลาย HS3TXB เจ้าของภาษาอีหลี

หัวข้อ: Re: ผญาอีสานบ้านเฮา
เริ่มหัวข้อโดย: HS3TXB ที่ 30 มีนาคม 2012, 10:18:22

อ้างจาก: HS4MM ที่ 24 มีนาคม 2012, 20:39:25

งึดหลาย HS3TXB เจ้าของภาษาอีหลี

ภาษาที่HS3TXBแข็งแรงที่สุดคือภาษาอีสาน

Tweet