ชมรมนักวิทยุสมัครเล่นแก่นทอง จังหวัดขอนแก่น ความถี่ 144.750 MHz
อีสานบ้านเฮาและคลังแห่งการเรียนรู้วิถีชาวบ้าน => ภาษาพื้นบ้านอีสาน กลอน สุภาษิตและผญา => ข้อความที่เริ่มโดย: HS3TXB ที่ 24 มีนาคม 2012, 09:17:28
-
โอนอ นางเอ้ย
อ้ายนี่แข่นอั้งปั้ง เสมอดังหัวกลอย
ตั้งแต่คอยหัวมัน.กะบ่อมีเสียมซ้วน
ว่าอยากซวนโตเจ้ามาเอาไปหมกแน
พอได้แผ่พี่น้อง ลุงป้าแจกปัน นั้นแหลว นางเอย
นางเอ้ย
อ้ายนี้คิดฮอดน้อง นอนบ่อิ่มเต็มตา
ผวานำแต่ความฮัก จ่อยเหลืองจนเป็นไข้
ย้อนว่าใจบักอ้าย ห่วงน้องนางอยู่ฮำ ฮำ
เซ้าจนค่ำได้คิดพ้อ แลงคล้อย กะจ่มหา ซั่นแหล่ว นางเอย
นางเอ้ย
เดือนบ่ไลจากฟ้า เมฆาบ่ลาถิ่น
แผ่นดินบ่ลาหญ้า ปลาบ่บ้อนบืนหนี
ขี้ซีบ่ลาไต้ ไม้บ่ลาป่าเสือใหญ่
อ้ายฮักน้องน้องฮักอ้าย ในใจนั้นกะบ่ลืม
ฟืมบ่ลาเนื้อฝ้าย ชายบ่ลาน้องสิเกี่ยว
สิฮักเดียวใจเดียว เทียวเป็นแฟนแทนอ้าย
ทุกข์ยากฮ้ายสิฮ่วมกัน ซั่นแหล่ว นางเอย
โอนอ นางเอ้ย
คันแม่นคึดฮอดอ้าย อยากสิจ่ายทางผญา
ให้พะอวนแวมา นั่งเฮือนมหาพี้
เพิ่นใจดีอยู่ตั้วน้องคันเฮาสองหมั่นแน่
หาบทกลอนโจทย์แก้ มาสู่ใส่กัน เบิ่งดู๋นางเอย
-
นางเอ้ย
มีแต่ความปากเว้า ใจบ่เอาอ้ายบ่ว่า
อย่ามาตั๋วให้คอยถ่า คำสัญญาบ่มั่นแก่น
แม้นว่าทางฝ่ายเจ้า มีคนเฝ้านอนเคียง
หรือว่าเพียงหลอกเว้า ให้อ้ายเฝ้าป่วงละเมอหา นางหล่าเอย
นางเอ๊ย..
คันเจ้าเป็นสาวแล้ว บ่มีฮอยขี่มูกเล่
มาเอาแนวนามอ้าย ไปไว้ถ่าฮ่วมเฮียง...แนเด้อ
อ้ายนี่แนวนามเซื้อ ฮุปทั่งดังกะแหลม
อีกยังแถมพ่อรวย หนี่สินกะพอใซ้
คันแม่นน้องมักอ้าย ให้มาขอให้มาแต่ง...เอาเด้อ นางเอย
-
สิเอาไปหยอกไผ๋ดีน๊อ
-
สิเอาไปหยอกไผ๋ดีน๊อ
สาวทางแก่นทองพุ้นแหลว
-
ย่านบอคือ หยอกมาหม๊ดแล้ว
-
หยอกดุดู๋ ตั้งแต่ไม้ไผ่ลนไฟกะยังอ่อนเด้อ้าย
-
โอ้ยนางเอ้ย คันแม่นเจ้าฮักอ้ายให่ซื้อของมาฝาก
รถวิบากกะได้ สิพาน้องขี่ไป ต้วะหล่ะนาง ....